AllRates.ge არის live (მიმდინარე) და ისტორიული კურსების აგრეგატორი, რომელიც მომხმარებელს ერთ სივრცეში აძლევს საშუალებას თვალი ადევნოს ოფიციალურ კურსებს, საბაზრო ვალუტის კურსებს, FOREX კურსებს, კრიპტოვალუტის ფასებს, აქციებს, ინდექსებს და ნედლეულის ფასებს. საიტზე მომხმარებელს შეუძლია შექმნას საკუთარი დეშბორდი და ერთ ხედვის არეალში დააკვირდეს ზუსტად იმ კურსებსა და აქტივებს, რომლებიც მისთვის ყველაზე საინტერესოა.

საბაზრო კურსების საჩვენებლად AllRates.ge იყენებს კომპანიების ოფიციალურ ვებგვერდებზე საჯაროდ გამოქვეყნებულ კურსებს. FOREX კურსებისთვის, კრიპტოვალუტებისთვის და სხვა პოპულარული აქტივებისთვის ვიყენებთ ხელმისაწვდომ საბაზრო წყაროებსა და მონაცემთა მომწოდებლებს, მათ შორის Google, Yahoo, Binance და Dexscreener მონაცემებს. საშუალო საბაზრო კურსის დასადგენად საიტის ალგორითმი დროის კონკრეტულ მონაკვეთში აერთიანებს კომპანიების მიერ გამოქვეყნებულ საუკეთესო ყიდვა-გაყიდვის კურსებს და მომხმარებელს აჩვენებს ბაზრის საერთო სურათს.

ოფიციალური კურსი არის საქართველოს ეროვნული ბანკის მიერ გამოქვეყნებული ვალუტის კურსი. ის დგინდება ბანკთაშორისი სავალუტო ვაჭრობის შედეგების მიხედვით, რომელიც მოიცავს პერიოდს 16:30 საათიდან მომდევნო დღის 16:30 საათამდე. ეროვნული ბანკი ოფიციალურ კურსებს საკუთარ საიტზე, როგორც წესი, 17:00 საათზე აქვეყნებს. AllRates.ge-ზე ეს მონაცემები გამოიყენება USD/GEL, EUR/GEL და სხვა ვალუტის კურსების ოფიციალური ნიშნულის სანახავად.

საბაზრო კურსი არის რეალური ყიდვა-გაყიდვის კურსი, რომელსაც ბანკები, მიკროსაფინანსოები და სავალუტო ჯიხურები სთავაზობენ მომხმარებელს. საბაზრო კურსები ხშირად განსხვავდება ეროვნული ბანკის ოფიციალური კურსისგან, რადგან დღის განმავლობაში ბაზარზე მოქმედებს მოთხოვნა-მიწოდება, ლიკვიდობა, საერთაშორისო ვალუტის მოძრაობა, კომპანიების საკუთარი მარჟა და სხვა ფაქტორები. ამიტომ დოლარის კურსი, ევროს კურსი ან სხვა ვალუტის გაცვლის ფასი კონკრეტულ მომენტში შეიძლება ოფიციალურ კურსზე მაღალი ან დაბალი იყოს.

ოფიციალური კურსი არის ეროვნული ბანკის მიერ გამოქვეყნებული reference მაჩვენებელი, ხოლო საბაზრო კურსი აჩვენებს რა ფასად შეიძლება ვალუტის რეალურად ყიდვა ან გაყიდვა ბანკებში, მიკროსაფინანსოებში და სავალუტო ჯიხურებში. პრაქტიკაში მომხმარებლისთვის გადაცვლის დროს უფრო მნიშვნელოვანია საბაზრო ყიდვა-გაყიდვის კურსი და სპრედი, ხოლო ოფიციალური კურსი ხშირად გამოიყენება სტატისტიკური, საბუღალტრო და საინფორმაციო მიზნებისთვის.

FOREX კურსები არის საერთაშორისო სავალუტო წყვილების კურსები, მაგალითად EUR/USD, GBP/USD, USD/CHF ან USD/JPY. FOREX ბაზარზე ერთმანეთთან შედარებულია სხვადასხვა ქვეყნის ვალუტები და მათი ფასი იცვლება გლობალური ეკონომიკური მონაცემების, საპროცენტო განაკვეთების, ცენტრალური ბანკების გადაწყვეტილებებისა და ბაზრის მოლოდინების მიხედვით. AllRates.ge-ზე FOREX კურსები შეგიძლია ნახო ლარის კურსებთან ერთად და შეადარო გლობალური სავალუტო დინამიკა ქართულ ბაზარს.

კრიპტოვალუტა არის ციფრული აქტივი, რომელიც მუშაობს ბლოკჩეინზე - განაწილებულ მონაცემთა სისტემაზე, სადაც ტრანზაქციები ინახება ერთმანეთთან დაკავშირებულ ბლოკებში. პირველი და ყველაზე ცნობილი კრიპტოვალუტა არის Bitcoin, რომელიც 2009 წელს შეიქმნა სატოში ნაკამოტოს სახელით გამოქვეყნებული იდეის შემდეგ. ბოლო წლებში კრიპტო ბაზრის საშუალო კაპიტალიზაცია ხშირად ტრილიონობით დოლარის დიაპაზონში მოძრაობს, ხოლო დღიური სავაჭრო მოცულობა ხშირად ათეულობით მილიარდ დოლარს აღწევს. AllRates.ge-ზე შეგიძლია ნახო ბიტკოინის ფასი, Ethereum, USDT და სხვა კრიპტოვალუტის კურსები live მონაცემებით.

ინდექსები, ნედლეული და აქციები ფინანსური აქტივების სხვადასხვა ჯგუფებია. Indices აჩვენებს ბაზრის ინდექსებს, მაგალითად ფართო საფონდო ბაზრის მოძრაობას; commodities მოიცავს ოქროს, ვერცხლს, ნავთობს და სხვა ნედლეულს; stocks კი არის კომპანიების აქციები. მათი ფასების ყურება ვალუტის კურსებთან ერთად ეხმარება მომხმარებელს დაინახოს საბაზრო ფასების უფრო ფართო სურათი და შეადაროს ვალუტის, კრიპტოსა და სხვა აქტივების დინამიკა.

ეროვნული ბანკის ოფიციალური კურსების Excel-ში ჩამოსატვირთად გახსენი ოფიციალური კურსები გვერდი და გამოიყენე ჩამოტვირთვის ფუნქცია. ამ გვერდიდან შეგიძლია NBG ოფიციალური კურსები მიიღო xlsx ფორმატში და გამოიყენო ისტორიული კურსების ანალიზისთვის, ანგარიშგებისთვის ან საკუთარი ფინანსური მოდელისთვის.